UKRAYNADA NADİR İŞIQFOR SİSTEMİ YARADILMIŞDIR
Videokamera ilə təchiz edilmiş sistem yol hərəkəti qaydasını pozan şəxsin avtomobilinin nömrəsini qeydə alaraq, həmin informasiyanı DAM-ın pultuna göndərir. Burada proqram təminatının köməyi ilə sürücü haqqında bütün məlumat və qanun pozuntusuna uyğun cərimənin məbləği avtomatik surətdə hazırlanır. Yeni sistemdə hallogen lampaları və onun qanunsuz sökülməsi cəhdlərinin qarşısını almaq üçün siqnalizasiya da quraşdırılmışdır. Təxminən 2 min dollar dəyərində olan işıqfor qırmızı işığı keçmə, sürətin artırılması, maşının qadağan olunmuş yerdə saxlanılması və digər pozuntuları qeydə ala bilir.
Keçmiş SSRİ dövründə hava hücumundan müdafiə, habelə hərbi və mülki təyinatlı müxtəlif rabitə vasitələrinin istehsalı üzrə ixtisaslaşmış müəssisə bu ilin sonunadək belə işıqforların geniş istehsalına başlamaq və onları Ukrayna yollarının daha mürəkkəb, çətin sahələrində quraşdırmağa hazırdır.
Bölmənin digər xəbərləri
