UKRAYNADA SEÇKİLƏRİN İKİNCİ TURU 8,8 MİLYON DOLLARA BAŞA GƏLƏCƏKDİR

02.11.2004 [21:56]
Çap et
A⁺ A^-

Noyabrın 21-də Ukraynada prezident seçkilərinin ikinci turunun keçiriləcəyi faktına heç kəs şübhə etmir. AZƏRTAC Ukrinforma istinadla xəbər verir ki, bunu noyabrın 2-də Mərkəzi Seçki Komissiyası (MSK) sədrinin müavini Yaroslav Davidoviç açıqlamışdır. Onun sözlərinə görə, təkrar səsvermə keçirilməsi üçün 8,8 milyon dollar gərəkdir.

Davidoviç demişdir ki, MSK yaxın günlərdə bəzi məntəqələrdə (təxminən 4 faiz) səslərin hesablanmasını başa çatdıracaqdır. Yerli məhkəmələr seçkilərdə iştirakına müxtəlif səbəblərə görə icazə verilməmiş seçicilərin 42 mindən çox şikayətinə baxmışdır. Y.Davidoviçin fikrincə, bu, seçici siyahılarının dəqiqsizliyi ilə bağlıdır. Müxtəlif bölgələrdə bir sıra namizədlərin adının qarşısında “geri götürülmüşdür” işarəsinin qoyulmasının səbəbləri də hələ aydınlaşdırılmamışdır. Buna görə 61 mindən çox bülleteni dəyişdirmək lazım gəlmişdir.

UKRAYNADA SEÇKİLƏRİN İKİNCİ TURU 8,8 MİLYON DOLLARA BAŞA GƏLƏCƏKDİR

MÜƏLLİFLƏ ƏLAQƏ

Bölmənin digər xəbərləri