Ukraynanda Xocalı soyqırımı qurbanlarının xatirəsi anılmışdır
Bakı, 21 fevral (AZƏRTAC). Ukraynadakı “Nikolayev vilayətinin azərbaycanlı gənclər təşkilatı” Xocalı soyqırımının 21-ci ildönümü ilə bağlı anma mərasimi keçirmişdir.
Diasporla İş üzrə Dövlət Komitəsindən AZƏRTAC-a bildirmişlər ki, mərasimdə Ermənistanın-Azərbaycan, Dağlıq Qarabağ münaqişəsi barədə ətraflı məlumat verilmişdir. Qeyd edilmişdir ki, münaqişə nəticəsində torpaqlarımızın 20 faizi işğal olunmuş və bir milyondan çox soydaşımız qaçqın və məcburi köçkün vəziyyətinə düşmüşdür. Xocalı faciəsi isə Ermənistan silahlı qüvvələrinin Dağlıq Qarabağda törətdiyi vəhşiliklərin kulminasiyasıdır.
“Nikolayev vilayətinin azərbaycanlı gənclər təşkilatı”nın sədri Samir Orucov, Ukrayna Müsəlmanları Ruhani İdarəsinin nümayəndəsi Hacı Namiq və başqaları Xocalı faciəsinin insanlığa qarşı cinayət olduğunu vurğulamış və ermənilərin zorakılıqlarını pisləmişlər.
Sonda Xocalı soyqırımı ilə bağlı film nümayiş etdirilmişdir.
Bölmənin digər xəbərləri
