Ursula Fon der Lyayen müdafiə üzrə yeni komissar təyin edəcək
Brüssel, 18 iyul, AZƏRTAC
Avropa Komissiyasının rəhbəri Ursula Fon der Lyayen Avropa Komissiyasının (AK) yeni tərkibində müdafiə üzrə komissar təyin etməyi planlaşdırır.
AZƏRTAC xəbər verir ki, bu barədə onun seçkiqabağı proqramında deyilir. O, bu vəzifəyə Polşa xarici işlər naziri Radoslav Sikorskini təyin edə biləcəyini bildirib.
Seçki proqramında Ursula Fon der Lyayen 2029-cu ilə qədər bu vəzifədə ikinci müddətə yenidən seçiləcəyi təqdirdə Avropa İttifaqını (Aİ) müdafiə birliyinə çevirəcəyini vəd edir.
“Önümüzdəki beş ildə işimiz həqiqətən müdafiə edilə bilən bir Avropa İttifaqının qurulmasına yönəldiləcək”, - siyasətçinin seçki proqramında qeyd olunur.
Vüqar Seyidov
AZƏRTAC-ın xüsusi müxbiri
Brüssel
Bölmənin digər xəbərləri
