Uşaqlar arasında XIII beynəlxalq şahmat turniri Bakıda keçiriləcək
Bakı, 5 noyabr, AZƏRTAC
Azərbaycan növbəti ənənəvi şahmat turnirinə ev sahibliyi edəcək.
AZƏRTAC xəbər verir ki, noyabrın 8-dən 13-dək Bakıda uşaqlar arasında XIII beynəlxalq şahmat turniri keçiriləcək.
“Gənclik” şahmat klubunun yaradılmasının beş illiyinə həsr edilən bu turnirdə 8 ölkəni - Azərbaycan, Rusiya, ABŞ, Hindistan, Gürcüstan, Fransa, Ukrayna və Litvanı təmsil edən 40-dan çox şahmatçı iştirak edəcək.
“Gənclik” şahmat klubunun direktoru, Azərbaycanın Əməkdar Məşqçisi Gennadi Gelmanın AZƏRTAC-a verdiyi məlumata görə, turnir İsveçrə sistemi üzrə keçiriləcək və yeddi turdan ibarət olacaq.
Turnirin sponsorları “McDonalds” və “Bakcell” şirkətləridir. “Bestkom” və “Canon” şirkətləri isə yarışların qaliblərinə və mükafata layiq yerləri tutmuş digər idmançılara mükafatlar və hədiyyələr təqdim edəcəklər.
Bölmənin digər xəbərləri
