VAŞİNQTONDA MƏXFİ TƏLİMLƏR KEÇİRİLİR

17.05.2004 [19:13]
Çap et
A⁺ A^-

AZƏRTAC-ın müxbiri xəbər verir ki, Vaşinqtonda prezident seçkiləri ərəfəsində terror aktları ehtimalına qarşı ABŞ hökumətinin rəhbərləri üçün məxfi şəraitdə antiterror təlimləri keçirilir.

Təlimlərdən məqsəd 2001-ci ilin 11 sentyabr terror aktlarından sonrakı ilk saatlarda Vaşinqtonun hakimiyyət dairələrində hökm sürmüş qarmaqarışıqlığın, çaşğınlığın təkrar olunmaması üçün hökumətin bütün vəsilələrinin fəaliyyət sistemini müəyyənləşdirib sahmanlamaqdır.

Ağ evdə ehtimal edilir ki, terror aktları məhz ABŞ paytaxtında törədiləcəkdir və buna hazırlıq görülür. Odur ki, antiterror təlimlərinin gedişində iki mümkün ssenari üzərində iş aparılır.

Birinci halda, terrorçular Vaşinqtona, daha doğrusu, 2001-ci il sentyabrın 11-də terrorçuların ələ keçirdiyi təyyarə üçün hədəf olmuş Kapitoli binasına zərbə endirəcəklər.

İkinci ssenaridə nəzərdə tutulur ki, terrorçular həm paytaxtda, həm də ölkənin digər iri şəhərlərində miqyasca kiçik, lakin daha tez-tez terror aktları törətməyə çalışacaqlar.

VAŞİNQTONDA MƏXFİ TƏLİMLƏR KEÇİRİLİR

MÜƏLLİFLƏ ƏLAQƏ

Bölmənin digər xəbərləri