Vəkillər Kollegiyasının rəhbərliyi Rumıniyada Ulu Öndərin abidəsini ziyarət edib
Bakı, 12 dekabr, AZƏRTAC
Azərbaycan Respublikası Vəkillər Kollegiyasının (VK) sədri Anar Bağırovun rəhbərlik etdiyi nümayəndə heyəti Rumıniya Vəkillər Kollegiyasının dəvəti ilə Buxarest şəhərinə rəsmi səfərə gedib.
Bu barədə AZƏRTAC-a VK-dan məlumat verilib.
Bildirilib ki, səfərin ilk günü nümayəndə heyəti Buxarestin Tey Parkında ucaldılmış müasir müstəqil Azərbaycanın memarı və qurucusu, xalqımızın dahi oğlu və Ümummilli Lideri Heydər Əliyevin abidəsini ziyarət edib. Abidənin önünə gül dəstələri qoyulub, Ulu Öndərin əziz xatirəsi böyük ehtiram və dərin hörmətlə anılıb.
Azərbaycanın Rumıniyadakı fövqəladə və səlahiyyətli səfiri Qüdsi Osmanov da ziyarətdə iştirak edib.
Bölmənin digər xəbərləri
