VİTALİ MUTKO: DÜNYA ÇEMPİONATINA DAİR QƏRAR SENTYABRIN 19-DA QƏBUL EDİLƏCƏKDİR
Bakı, 26 aprel (AZƏRTAC). Rusiya KİV-ləri xəbər verirlər ki, bu ölkənin idman naziri və RF Futbol İttifaqının prezidenti Vitali Mutko təsdiq etmişdir ki, 2018-ci, yaxud 2022-ci illərdə dünya futbol çempionatının keçirilməsi üçün Rusiyanın namizədliyinin irəli sürülməsi barədə qərar sentyabrda qəbul ediləcəkdir. O demişdir: “Dünya çempionatının keçirilməsi üçün namizədliyin irəli sürülməsi həm İdman Nazirliyi, həm də hökumət üçün asan qərar deyildir. Çünki müəyyən maliyyə problemləri vardır. Lakin gələcəyə də baxmaq lazımdır. Böhran gəldi-gedərdir, futbol isə qalandır. Zənnimcə, belə səviyyəli turnirin ölkəmizdə keçirilməsi cəmiyyətin həyatında parlaq hadisəyə çevriləcəkdir. Hazırlıq proqramına Moskva və Sankt-Peterburqdan başqa Kazan, Krasnodar, Rostov, Soçi, Yaroslavl, Nijni Novqorod, Volqoqrad şəhərləri də daxil edilmişdir. Ərizə verib-verməyəcəyimiz barədə öz qəti mövqeyimizi isə sentyabrın 19-dək qəti bildirməliyik”.
Bölmənin digər xəbərləri
