Vladimir Putin ABŞ Prezidentinin xüsusi nümayəndəsi ilə görüşüb
Moskva, 25 aprel, AZƏRTAC
Kremldə Rusiya Prezidenti Vladimir Putinlə Amerika Birləşmiş Ştatları Prezidentinin xüsusi nümayəndəsi Stiv Uitkoff arasında görüş keçirilib.
AZƏRTAC Kremlin mətbuat xidmətinə istinadla xəbər verir ki, görüşdə Rusiya tərəfini Rusiya Prezidentinin köməkçisi Yuri Uşakov və Rusiya Birbaşa İnvestisiyalar Fondunun baş direktoru, RF Prezidentinin xarici ölkələrlə investisiya və iqtisadi əməkdaşlıq üzrə xüsusi nümayəndəsi Kirill Dmitriyev təmsil ediblər.
Bu, V.Putin və S.Uitkoff arasında dördüncü görüşdür. Trampın xüsusi nümayəndəsi aprelin 25-də səhər saatlarında Moskvaya gəlib. Onların əvvəlki görüşü Sankt-Peterburqda baş tutub.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
