“Vulverhempton”un sabiq futbolçusu Azərbaycan klubuna keçib
Bakı, 28 sentyabr, AZƏRTAC
“Səbail” komandası heyətini yeni futbolçu ilə gücləndirib.
Klubdan AZƏRTAC-a verilən məlumata görə, “dənizçilər” fransalı mərkəz müdafiəçisi Silven Delandı transfer edib.
Kamerun əsilli 26 yaşlı oyunçu ilə cari mövsümün sonunadək müqavilə imzalanıb. O, Bakı klubunda 3 nömrəli forma ilə çıxış edəcək.
Qeyd edək ki, Silven Deland karyerası ərzində İngiltərənin “Vulverhempton”, “Portsmut”, İspaniyanın “Kumilya”, Rumıniyanın “Arges” və Macarıstanın “Debretsen” klublarında çıxış edib.
Bölmənin digər xəbərləri
