VYANADA AVROPA ÖLKƏLƏRİNDƏ TƏHSİL ALAN AZƏRBAYCANLI TƏLƏBƏLƏRİN FORUMU KEÇİRİLİR
Xarici Ölkələrdə Yaşayan Azərbaycanlılarla İş üzrə Dövlət Komitəsindən bildirmişlər ki, iki gün davam edəcək forumda muasir Azərbaycanın inkişafında gənclərin rolu, Azərbaycanın Avropaya inteqrasiyası, Ermənistan-Azərbaycan, Dağlıq Qarabağ münaqişəsinin həllində, eləcə də Avropa mədəniyyətlər və dinlərarası dialoqda azərbaycanlı gənclərin iştirakı və s. məsələlər müzakirə olunacaqdır.
“Azərbaycan Akademik Birliyi”nin təşkilatçılığı, İdman və Gənclər nazirliyinin, Azərbaycanın Avstriyadakı səfirliyinin dəstəyi ilə təşkil olunmuş tədbirdə Almaniyadan, Avstriyadan, Slovakiyadan, Macarıstandan, Rumıniyadan, Bolqarıstandan, İtaliyadan və İsveçrədən azərbaycanlı tələbələr iştirak edirlər.
Forum Vyananın konsert salonlarının birində “Azərbaycan gecəsi” ilə yekunlaşacaqdır.
Bölmənin digər xəbərləri
