Xaçmazda ekoloji-maarifləndirici dərs təşkil ediləcəkdir
Bakı, 17 avqust (AZƏRTAC). Avqustun 26-da “Eko-Aləm” İctimai Birliyi (İB) Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə “Mədəni turizmin inkişafı məqsədi ilə ekoloji maarifləndirici ustad dərslərinin təşkili” layihəsi çərçivəsində Xaçmaz şəhərində ekoloji-maarifləndirici dərs keçirəcəkdir.
İB-dən AZƏRTAC-a bildirmişlər ki, “Vətəndaş cəmiyyəti nədir, məqsəd və fəaliyyəti” mövzusunda təşkil olunacaq tədbirdə müasir dünyada ətraf mühitin vəziyyəti barədə məlumatlar veriləcəkdir. Dərs zamanı, həmçinin istirahətə gələn əhali qrupları ilə işləyərkən ekoloji maarifləndirici fəaliyyətlərin həyata keçirilməsi üçün ekoloji oyunların tətbiqi müzakirə ediləcəkdir.
Məqsəd ətraf mühitin qorunması sahəsində əhali arasında ekoloji mədəniyyətin yüksəldilməsi, meşələri çirklənmədən və yanğınlardan qorumaq üçün maarifləndirici tədbirlər həyata keçirməkdir.
Layihə çərçivəsində “Meşədə davranış qaydaları” plakatı və “Ekoloji mədəniyyət və turizm” ekoloji maarifləndirici məlumat kitabı nəşr edilmişdir.
Bölmənin digər xəbərləri
