Xaçmazda ev sakinlərini öldürüb evi yandıran şəxs saxlanılıb
Bakı, 26 iyun, AZƏRTAC
Cari il aprelin 9-da Xaçmaz rayonu Yalama kəndində evlərdən birinin yanması və içərisində olan 2 nəfərin yanaraq ölməsi ilə bağlı polisə məlumat daxil olmuşdu.
Polis əməkdaşları tərəfindən davam etdirilən əməliyyat-axtarış, əməliyyat-istintaq tədbirləri ilə müəyyən edilib ki, evdə yanan şəxslər əvvəlcə öldürülüb, daha sonra izi itirmək məqsədilə ev qəsdən yandırılıb.
Bu barədə AZƏRTAC-a DİN-in mətbuat xidmətindən bildirilib.
Polis əməkdaşları tərəfindən cinayət əməlini törətməkdə şübhəli bilinən kənd sakini 1996-cı il təvəllüdlü Ağaxanov Ramin Rəhman oğlu saxlanılaraq istintaqa təhvil verilib.
İlkin məlumata görə, cinayət hadisəsi pul mübahisəsi ilə bağlı olub.
Araşdırmalar davam etdirilir.
Bölmənin digər xəbərləri
