Xalq artisti Ağasadıq Gəraybəylinin 110 illiyi münasibətilə videoxülasə hazırlanıb
Bakı, 5 oktyabr, AZƏRTAC
Xalq artisti Ağasadıq Gəraybəylinin səhnə fəaliyyətinin 110 illiyi münasibətilə Dövlət Səs Yazıları Arxivi tərəfindən videoxülasə hazırlanıb.
AZƏRTAC xəbər verir ki, Milli Arxiv İdarəsinin tabeliyində fəaliyyət göstərən Dövlət Səs Yazıları Arxivi tərəfindən hazırlanmış videoxülasədə görkəmli səhnə ustası, Azərbaycan SSR Xalq artisti, müxtəlif dövlət mükafatlarına layiq görülmüş Ağasadıq Gəraybəylinin həyat və yaradıcılığına aid olan və sözügedən arxivin fondlarında mühafizə edilən bir sıra fono və videosənədlərdən istifadə olunub, görkəmli sənətkarın müsahibələrinə, sənət dostlarının onun haqqında xatirələrinə yer verilib. Sözügedən layihə Ağasadıq Gəraybəylinin 110 illiyinə həsr olunub.
Videoxülasə ilə həmçinin Milli Arxiv İdarəsinin yutub kanalından tanış olmaq olar.
Bölmənin digər xəbərləri
