Xarici ticarət iştirakçıları Azərbaycan gömrüyündən 80 faiz razıdır
Bakı, 14 dekabr, AZƏRTAC
Dövlət Gömrük Komitəsi xarici ticarət iştirakçıları və gömrük təmsilçiləri üçün onlayn sorğu keçirib.
Komitənin Mətbuat və İctimaiyyətlə Əlaqələr İdarəsindən AZƏRTAC-a bildirilib ki, xarici ticarət iştirakçılarına və gömrük təmsilçilərinə təqdim edilən sorğu gömrük xidmətlərindən məmnunluq, o cümlədən elektron xidmətdən istifadə, gömrük orqanlarında islahatlar, şəffaflıq, gömrük qanunvericiliyi və sair mövzularda olub, eyni zamanda, gömrük orqanları tərəfindən göstərilən xidmətlərin daha da inkişaf etdirilməsi üçün müvafiq təkliflərin verilməsi şəraitini yaradıb.
222 xarici ticarət iştirakçıları tərəfindən təqdim olunan cavablarda respondentlərin ümumi məmnunluq dərəcəsi 80 faiz təşkil edib. Gömrük təmsilçiləri üçün keçirilən sorğuda isə alınan 313 cavabda gömrük xidmətlərindən ümumi məmnunluq dərəcəsi 84 faiz olub. Respondentlər ümumilikdə 295 təklif irəli sürüblər.
Hər iki sorğunun nəticələri və verilən təkliflər dəyərləndirilib.
Gələcəkdə bu kimi sorğuların mütəmadi keçirilməsi nəzərdə tutulub.
Komitə belə sorğuların keçirilməsi zamanı xarici ticarət iştirakçılarının aktiv iştirakını xahiş edir.
Bölmənin digər xəbərləri
