Xarici turistlər Nizami Gəncəvinin irsini öyrənməyə maraq göstərirlər
Gəncə, 12 avqust (AZƏRTAC). Cari ilin ötən 7 ayında Gəncəyə gələn xarici turistlərin demək olar hamısı dahi söz ustası Nizami Gəncəvinin irsinə maraq göstərmişdir.
Şəhər mədəniyyət və turizm idarəsinin baş məsləhətçisi Asif Məmmədov AZƏRTAC-a bildirmişdir ki, bu marağı nəzərə alaraq xarici turistlərə Nizami Gəncəvi və onun külliyyatı haqqında ətraflı bilgi vermək üçün xüsusi proqram hazırlanmışdır. Həmin proqrama əsasən, xarici turistlərin dahi söz ustasının məqbərəsini ziyarət etmələri ilə bərabər, onlara şairin əsərləri haqqında da ətraflı məlumat verilmiş, çap olunmuş xüsusi bukletlər paylanmışdır.
Son bir ayda Gəncəyə Türkiyə, ABŞ, İngiltərə, Ukrayna, İran, Dağıstan və sair ölkələrdən gəlmiş 60-dan artıq turistə Nizami Gəncəvinin yaradıcılığı haqqında ətraflı məlumat verilmişdir.
Bölmənin digər xəbərləri
