“Xetafe”nin baş məşqçisi Xose Migel Qonsales istefaya göndərilib
Bakı, 5 oktyabr, AZƏRTAC
İspaniyanın “Xetafe” komandasının baş məşqçisi Xose Migel Qonsales istefaya göndərilib.
AZƏRTAC xəbər verir ki, bu barədə La Liqa klubunun rəsmi saytı məlumat yayıb.
İstefaya komandanın bu mövsümdəki uğursuz çıxışı səbəb olub. “Xetafe” La Liqanın geridə qalan 8 turunda cəmi 1 xal qazana bilib.
Mütəxəssis bu ilin mayında “Xetafe”yə baş məşqçi təyin olunmuşdu. Əlli səkkiz yaşlı mütəxəssis 2009-2011-ci illər aralığında da bu komandaya rəhbərlik edib.
İspaniya mətbuatının yazdığına görə, komandanı bundan sonra Kike Sançes Flores çalışdıracaq.
Bölmənin digər xəbərləri
