XƏZƏR BORU KƏMƏRLƏRİ ŞƏBƏKƏSİ DÜNYADA İQTİSADİ İNKİŞAFIN TƏMİN OLUNMASINA KÖMƏK EDƏCƏK
ABŞ Prezidenti Corc Buş Xəzər Boru Kəməri Konsorsiumunun (XBKK) iştirakçılarına göndərdiyi təbrik məktubunda bildirir ki, Bakı-Tbilisi-Ceyhan, Bakı-Supsa, Bakı-Novorossiysk neft və Bakı-Tbilisi-Ərzurum qaz kəmərlərinin də daxil olduğu Xəzər boru kəmərləri şəbəkəsi dünyada iqtisadi artımın və öz ölkəsinin enerji təhlükəsizliyinin təmin olunmasına kömək edəcəkdir.
ABŞ Dövlət Departamentinin beynəlxalq informasiya proqramları ofisindən AZƏRTAC-ın müxbirinin aldığu məlumata görə, məktubda həmçinin deyilir ki, istər Rusiya, Qazaxıstan, Oman və onların tərəfdaşlarının daxil olduqları XBKK, istərsə də adı çəkilən layihələr beynəlxalq ticarət və sərmayələr üçün şəffaf və sabit şərait yaradılmasında Xəzər regionu ölkələrinin mühüm tərəqqi əldə etdiklərini göstərir.
Bölmənin digər xəbərləri
