Xəzərin çirkab sulardan təmizlənməsi davam edir
Bakı, 4 iyun (AZƏRTAC). Çimərlik mövsümünün başlaması ilə əlaqədar əhalinin təhlükəsizliyi və sağlamlığının qayğısına Fövqəladə Hallar və Səhiyyə nazirlikləri qalır. Ekologiya və Təbii Sərvətlər Nazirliyi Xəzər dənizinin yalnız çirkab sulardan təmizlənməsi ilə məşğuldur.
AZƏRTAC xəbər verir ki, bunu ekologiya və təbii sərvətlər naziri Hüseynqulu Bağırov jurnalistlərə müsahibəsində demişdir. Nazir bildirmişdir ki, Abşeron yarımadası akvatoriyasında quraşdırılmış 17 sutəmizləyici qurğu ilə dənizə axıdılan çirkab suların qarşısı alınır.
Mərdəkan qəsəbəsi “Qızıl Qum” istirahət zonası yaxınlığında quraşdırılan modul tipli bioloji təmizləmə qurğusu vasitəsilə həmin ərazidə 64 min kvadratmetr bataqlıq sahə çirkab sulardan təmizlənmişdir. Həmin qurğunun yeri dəyişdirilərək Sumqayıt sahil zolağında quraşdırılmışdır.
Bölmənin digər xəbərləri
