Xəzərin Sumqayıt sularında yeddi boğulma hadisəsi qeydə alınıb
Sumqayıt, 19 avqust, Ə.Rzayeva, AZƏRTAC
TƏBİB-in tabeliyində fəaliyyət göstərən Sumqayıt Tibb Mərkəzinə suda boğulma ilə bağlı yeddi müraciət daxil olub.
Mərkəzdən AZƏRTAC-a bildirilib ki, şəhərin Təcili və Təxirəsalınmaz Tibbi Yardım Stansiyasında iyunun 1-dən dənizdə sudan boğulma ilə bağlı ümumiyyətlə yeddi çağırış qeydə alınıb.
Onlardan dördünün həyatını xilas etmək mümkün olub. Zərərçəkənlərə yerində yardım göstərilib və onlar Sumqayıt Təcili Tibbi Yardım Xəstəxanasına hospitalizasiya olunub. Üç nəfər isə suda boğulma səbəbi ilə ölüb.
Bölmənin digər xəbərləri
