Xəzəryanı ölkələrin Koordinasiya Komitəsinin 16-cı sessiyası keçiriləcəkdir
Bakı, 21 noyabr (AZƏRTAC). Noyabrın 23-24-də Bakıda Ekologiya və Təbii Sərvətlər Nazirliyi Milli Hidrometeorologiya Departamentinin təşkilatçılığı ilə Xəzəryanı ölkələrin Koordinasiya Komitəsinin 16-cı sessiyası (KASPKOM-16) keçiriləcəkdir.
Nazirliyin mətbuat xidmətindən AZƏRTAC-a bildirmişlər ki, Xəzər dənizinin hidrometeorologiyası və çirklənməsinin monitorinqi üzrə sessiyada Dünya Meteorologiya Təşkilatının, BMT-nin Ətraf Mühit Proqramının, gəmiçilik və aviasiya, qeyri-hökumət təşkilatlarının nümayəndələri iştirak edəcəklər.
Sessiyada operativ dəniz hidrometeorologiya xidməti, hidrometeoroloji müşahidə şəbəkəsinin vəziyyəti, Xəzər dənizinin çoxillik səviyyə tərəddüdləri və suyun temperaturu kataloqunun hazırlanması üzrə aparılan elmi-tədqiqat işləri, əməkdaşlıq məsələləri və gələcək planlar müzakirə ediləcəkdir.
Bölmənin digər xəbərləri
