Xırdalanda şəhidlərin xatirəsinə bulaq tikilib
Xırdalan, 6 fevral, Ətrabə Rzayeva, AZƏRTAC
Abşeron rayonunun Xırdalan şəhərində şəhidlərimizin əziz xatirəsini əbədiləşdirmək məqsədilə “Bulaq” kompleksi yaradılıb. Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun Abşeron rayon Xidmət Nümayəndəliyinin qarşısında şəhidlərin xatirəsinə salınan bulağın ətrafı abadlaşdırılıb. Burada beş ədəd iri oturacaq quraşdırılıb. Ağaclar budanaraq əhənglənib. Səki daşları təmir olunaraq rənglənib.
Abşeron Rayon İcra Hakimiyyətinin və Abşeron rayon Xidmət Nümayəndəliyinin əməkdaşlarının birgə iştirakı ilə “Bulaq” kompleksinə baxış keçirilib, bulağın suyundan içilib, şəhidlərimizin əziz xatirələri ehtiramla yad edilib, onlar üçün dualar oxunub.
Kompleks xidmətin daxili imkanları hesabına yaradılıb. Bulağın yaradanlar əmindilər ki, bu sudan içən hər kəs şəhidlərimizə “Allah rəhmət eləsin” deyəcək. Çünki bu gün onların sayəsində suyumuzu təhlükəsiz və azad şəkildə içirik.
Bölmənin digər xəbərləri
