Xızıda atları oğurlayan dəstə üzvləri saxlanılıblar
Bakı, 1 avqust, AZƏRTAC
Xızı rayonunun ərazisindəki örüş sahəsindən sakinlərə məxsus atların ayrı-ayrı vaxtlarda naməlum şəxslər tərəfindən oğurlanması barədə rayon polis şöbəsinə məlumat daxil olub.
Bu barədə AZƏRTAC-a Daxili İşlər Nazirliyinin mətbuat xidmətinin Quba regional qrupundan məlumat verilib. Bildirilib ki, keçirilən əməliyyat-axtarış tədbirləri nəticəsində qeyd olunan oğurluqları törətməkdə şübhəli bilinən Bakı şəhər sakinləri Daşqın Qəmbərov, R.Hüseynov və E.Aslanov saxlanılıblar.
Araşdırma zamanı saxlanılan şəxslərin oğurladıqları atları satdıqlarını və əldə etdikləri pulu isə öz aralarında böldükləri etiraf ediblər.
Həmin şəxslərin digər rayonlarda da analoji əməllər törətmələri istisna edilmir.
Faktla bağlı Xızı Rayon Polis Şöbəsində cinayət işi başlanılıb.
Bölmənin digər xəbərləri
