XXI və XXII əsrlərdə mənzil necə olmalıdır?
Praqa, 1 mart, AZƏRTAC
Martın ilk günlərdə Praqadakı “Don Giovanni” mehmanxanasında “Audio Video Show Praha 2019” adlı sərgi keçiriləcək.
AZƏRTAC “Praqa radiosu”na istinadla xəbər verir ki, adından da göründüyü kimi, audiovizual texnikaya həsr edilmiş sərgidə bu texnika növünün istehsalçılarının məhsulları - stereosistemlər, ev kinoteatrları, televizorlar, proyektorlar və başqa qurğular təqdim ediləcək.
“Ağıllı mənzil” sahəsində dizaynerlərin işi bu sərginin yeniliyi olacaq. Sərginin bu bölməsindəki nümunələr bizim əsrimizdə və ola bilsin gələcək əsrdə də mənzillərin görkəmi barədə təsəvvür yaradacaq.
Sərgiyə giriş biletlərinin və lotereya biletlərinin satışından əldə edilən bütün vəsait BMT-nin Uşaq Fondunun (UNİCEF) xeyriyyə layihələrinə sərf ediləcək.
Pərvanə Qarayeva
AZƏRTAC -ın xüsusi müxbiri
Praqa
Bölmənin digər xəbərləri
