YAP Mərkəzi Aparatında Zəfər Gününün ildönümü ilə bağlı konfrans keçirilir
Bakı, 4 noyabr, AZƏRTAC
Müzəffər Ali Baş Komandan İlham Əliyevin rəhbərliyi ilə və dövlət-xalq-ordu birliyi sayəsində “Dəmir yumruq” əməliyyatı nəticəsində Azərbaycanın ərazi bütövlüyünün bərpa olunmasında milli iqtisadiyyatın özünəməxsus rolu olub.
AZƏRTAC xəbər verir ki, bu fikir YAP Mərkəzi Aparatında Zəfər Gününün birinci ildönümü ilə bağlı təşkil olunan konfransda səsləndirilib.
Vətən müharibəsinin nəticələrinə həsr olunan sənədli filmin nümayişi ilə başlayan konfransda ümummilli lider Heydər Əliyevin və şəhidlərimizin xatirəsi bir dəqiqəlik sükutla yad edilib.
Tədbiri giriş sözü ilə açan YAP Sədrinin müavini - Mərkəzi Aparatın rəhbəri Tahir Budaqov Zəfər Gününün son 200 illik tariximizdə ən əlamətdar hadisə olduğunu qeyd edərək bildirib: “Müstəqilliyimizin maddi əsası olan və regionun ən rəqabətədavamlı iqtisadiyyatı kimi qiymətləndirilən Azərbaycan iqtisadiyyatı istər milli təhlükəsizlik və onun əsas komponenti olan ordu quruculuğu, istərsə də postkonflikt quruculuğunun maddi yükünü öz çiyinlərində daşıyır. Bu mənada Azərbaycan iqtisadiyyatını Zəfər iqtisadiyyatı kimi qiymətləndirmək mümkündür”. Tahir Budaqov bu gün Böyük Qayıdışa hazırlıq işlərinin sürətlə getdiyini qeyd edən Mərkəzi Aparatın rəhbəri Şərqi Zəngəzur iqtisadi rayonunun bu prosesə cəlb edildiyini bildirib və ümumiyyətlə, Azərbaycan milli iqtisadiyyatının bu məqsəd yolunda səfərbər olunduğunu diqqətə çatdırıb.
Konfransda rəqəmsal inkişaf və nəqliyyat naziri Rəşad Nəbiyevin, İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlının, Milli Məclisin İqtisadi Siyasət, sənaye və sahibkarlıq komitəsinin sədri Tahir Mirkişilinin, Azərbaycan Dövlət İqtisad Universitetinin rektoru Ədalət Muradovun, Qarabağ Dirçəliş Fondu İdarə Heyətinin sədri Rəhman Hacıyevin çıxışları gözlənilir.
Bölmənin digər xəbərləri
