Yaponiya Latviya ilə birbaşa uçuşların həyata keçirilməsində maraqlıdır
Riqa, 26 iyul, AZƏRTAC
Yaponiya Latviya ilə birbaşa uçuşların həyata keçirilməsində maraqlıdır.
AZƏRTAC Latviya mətbuatına istinadla xəbər verir ki, bu sözləri Yaponiyanın Latviyadakı səfiri Yasuhiro Kavaquçi Latviya Nəqliyyat Nazirliyinin dövlət katibinin müavini Uldis Reymanis ilə görüşündə söyləyib.
Səfir Y.Kavaquçi ölkəsinin “Rail Baltica” layihəsində iştirak etməkdə maraqlı olduğunu da əlavə edib.
U.Reymanis isə öz növbəsində Latviyanın Avrasiya daşımacılığının inkişafında Yaponiya ilə birgə əməkdaşlıq etmək istəyini ifadə edib və səfiri Latviyanın nəqliyyat və logistika infrastrukturunun inkişafına Yaponiya investisiyalarının cəlb edilməsinə yardım etmək məqsədilə Latviya limanlarının rəhbərliyi ilə görüşməyə çağırıb.
Görüşdə iki ölkə arasında iqtisadi əməkdaşlıq, eləcə də Yaponiyanın “Mitsui & Co” şirkətinin Latviyanın nəqliyyat sənayesinə qoyduğu investisiyalar müzakirə olunub.
Asiman Əsədov
AZƏRTAC-ın xüsusi müxbiri
Riqa
Bölmənin digər xəbərləri
