Yay mövsümündə Mərakeşin sahilyanı kəndləri böyük turizm mərkəzlərinə çevrilir
Bakı, 9 iyul, AZƏRTAC
Yay mövsümündə Mərakeşin sahilyanı kəndlərində çimərliklərə və müxtəlif turistik məkanlara artan tələbat sayəsində nəzərəçarpacaq iqtisadi canlanma müşahidə olunur. Bu, iqtisadiyyatın inkişafına təkan verir və yerli sakinlərin gəlirlərinə də müsbət təsir göstərir.
AZƏRTAC “Hespress” onlayn qəzetinə istinadla xəbər verir ki, turizm üzrə ekspert Zubeyr Buxoutun sözlərinə görə, yay mövsümündə Mərakeşin bir çox sahilyanı kəndlərində müşahidə olunan iqtisadi dirçəliş, ilk növbədə, məhz bu dövrdə turizm xidmətlərinə daxili və xarici tələbatın artması, eləcə də həmin bölgələrdəki turizm xidmətlərinin qiymətlərinin digər istiqamət və regionlarla müqayisədə bir çox ailələr üçün münasib olması ilə bağlıdır.
Lakin mərakeşli ekspertlərin fikrincə, cəlbedici turizm potensialının tam reallaşması üçün turizmin inkişafına cavabdeh qurumlar tərəfindən müvafiq yanaşmaların və strategiyaların qəbul edilməsi vacibdir ki, bu fəaliyyət mövsümi xarakterdən çıxaraq daimi və yerli iqtisadiyyatı dəstəkləyən bir sahəyə çevrilsin. Çünki həm yerli, həm də xarici turistləri cəlb edən fəaliyyətlərin əksəriyyəti hələ də əsasən çimərlik və hava şəraiti ilə bağlıdır, ilboyu ziyarətçiləri cəlb edə biləcək alternativ mədəni təkliflər isə mövcud deyil.
Bölmənin digər xəbərləri
