Yelisey sarayının sabiq baş katibi parlament orqanları ilə əməkdaşlığa çağırılıb
Paris, 8 aprel, AZƏRTAC
Korrupsiyaya qarşı mübarizə assosiasiyası Emmanuel Makronun “sağ əli”, hətta vitse-prezident adlandırılan Yelisey sarayının baş katibi Aleksis Kohleri öz mövqeyinə yenidən baxmağa və icra hakimiyyətinin hesabatlılığı naminə parlament orqanları ilə tam əməkdaşlığa çağırıb.
AZƏRTAC xəbər verir ki, Yelisey sarayının baş katibi mineral suyun mümkün qeyri-qanuni təmizlənməsi ilə bağlı Senatda dindirilməli idi.
Beynəlxalq Şəffaflıq Korrupsiyaya qarşı Mübarizə Assosiasiyası (Transparency International) Alexis Kohlerin Senatda su qalmaqalı ilə bağlı araşdırma komissiyasının çağırışını imtina etməsini pisləyib. “Radio France” və “Le Monde”un araşdırma bölməsinin mineral suyun mümkün qeyri-qanuni təmizlənməsi ilə bağlı açıqlamalarından sonra Yelisey sarayının istefa verən baş katibi senatorlar tərəfindən dindirilməli idi. Aleksis Kohler isə dinləməyə getməkdən imtina edib.
“Demokratik sistemimizin etibarlılığı və ictimai sağlamlığın qorunması təhlükə altındadır”, - deyə assosiasiya mətbuata açıqlamasında bildirir.
Səkkiz il çalışdığı Yelisey sarayının baş katibi vəzifəsinə əlvida deyən A. Kohler “Societe Generale” bankının baş direktorunun müavini təyin edilib.
Bölmənin digər xəbərləri
