YENİ SEX İŞƏ SALINMIŞDIR
Sumqayıt səthi-aktiv maddələr (SAM) zavodunda yeni kükürd turşusu sexi işə salınmışdır. Zavodun öz vəsaiti hesabına tikilmiş sex, mütəxəssislərin fikrincə, həm daxili tələbatı, həm də qonşu sintetik kauçuk zavodunun kükürd turşusuna olan ehtiyacını tamamilə ödəməyə imkan verəcəkdir. Yeni sexdə 30-dan artıq fəhlə işlə təmin olunmuşdur.
Səthi - aktiv maddələr zavodunun direktoru, kimya elmləri namizədi Təbrik Quliyev AZƏRTAC-ın müxbirinə bildirmişdir ki, müəssisə yaxşı işləyir. Bir il əvvəl istifadəyə verilmiş iki kaustik soda xətti tam gücü ilə işləyərək, gündə 20 ton məhsul istehsal edir. Dünya standartlarına uyğun olan yüksək səmərəli xətlərin quraşdırılması kimyaçılara əla keyfiyyətli kaustik soda istehsalını 98,5 faizə çatdırmağa imkan verir.
Bölmənin digər xəbərləri
