Yeniyetmə boksçularımız Tacikistanda beynəlxalq turnirdə dörd medal qazanıblar
Bakı, 28 iyul, AZƏRTAC
Azərbaycanın yeniyetmə boksçuları Tacikistanın paytaxtı Düşənbədə keçirilən beynəlxalq turnirdə 4 medal qazanıblar.
Azərbaycan Boks Federasiyasından AZƏRTAC-a bildiriblər ki, yığmamız 1 qızıl, 1 gümüş, 2 bürünc medal əldə edib.
Dörd ölkənin (Azərbaycan, Özbəkistan, Tacikistan, Qazaxıstan) ümumilikdə 155 idmançısının qatıldığı yarışda Məhəmməd Cəfərov (+80 kq) turnirin qalibi olub. Əli Baxışov (50 kq) ikinci, Məhəmmədəli Məmmədli (48 kq) və Bağır Əmirxanlı (50 kq) üçüncü yeri tutublar. Komandaya məşqçilər Ayaz Baxşıyev və Zaur Məmmədov rəhbərlik ediblər.
Azərbaycanlı referi Elxan Quliyev isə yarışın ən yaxşı hakimi seçilib.
Qeyd edək ki, Azərbaycan boksçuları Bakıya bu gün qayıdacaqlar.
Bölmənin digər xəbərləri
