Yunanıstanda meşə yanğınları 28 nəfərin həyatına son qoyub
Bakı, 23 avqust, AZƏRTAC
Xilasedicilər çərşənbə axşamı Yunanıstanın şimalında meşə yanğınları nəticəsində həlak olan 28 nəfərin cəsədini aşkar ediblər.
AZƏRTAC xəbər verir ki, bu barədə EFE xəbər agentliyinin yaydığı məlumatda bildirilib.
Qeyd olunub ki, üç gün ərzində ölkədə bu yanğınlar 43 min hektardan çox ərazini əhatə edib.
Afinanın şimal ətrafı olan Ano Llosia şəhərinin hakimiyyət orqanları sakinlərin təxliyəsi barədə göstəriş veriblər. Yaxınlıqdakı Fili şəhərində bir neçə bina artıq alovlara bürünüb. Attika, Şərqi Makedoniya və Trakiyanın bəzi bölgələrində də evakuasiya əmrləri var.
Afinanın mərkəzindən 15 km aralıda yerləşən Aspropirqos şəhəri yaxınlığında baş verən yanğın nəzarətsiz qalıb. 120-dən çox yanğınsöndürən alovun qarşısını almağa çalışır, 9 yanğınsöndürən təyyarə də hadisə yerindədir.
Qonşu ölkələrdən də Yunanıstana əlavə kömək qüvvələri göndərilib.
Bölmənin digər xəbərləri
