Zaqatala Dövlət Təbiət Qoruğunda baş vermiş yanğın söndürülmüşdür
Bakı, 8 avqust (AZƏRTAC). Zaqatala Dövlət Təbiət Qoruğunun Qaraçay sahəsinin 5 saylı dolayının 54 saylı kvartalının ərazisində baş vermiş yanğın söndürülmüşdür.
Ekologiya və Təbii Sərvətlər Nazirliyin mətbuat xidmətindən AZƏRTAC-a bildirmişlər ki, qoruğun yaxınlığından keçən elektrik xəttində yaranmış qısaqapanma nəticəsində baş vermiş yanğın 0,05 hektar sahəni əhatə etmişdir.
Zaqatala Dövlət Təbiət Qoruğunun və Fövqəladə Hallar Nazirliyinin Balakən Rayon Dövlət Yanğın Nəzarəti Xidmətinin əməkdaşları qısa vaxtda alovun qarşısını almışlar.
Qoruğun ərazisinə ciddi ziyan dəyməmişdir.
Bölmənin digər xəbərləri
