Bakı, 11 aprel, AZƏRTAC

Öz fənnini şagirdlərinə sevdirən Bakı şəhəri 3 nömrəli tam orta məktəbin kimya müəllimi Ziyafət Abbasovun maraqlı elmi yanaşması sayəsində şagirdlər kimyanı daha asan üsullarla öyrənə bilirlər.

Bu barədə AZƏRTAC-a Bakı Şəhəri üzrə Təhsil İdarəsindən məlumat verilib. Bildirilib ki, o, bu elmi yeniliyi ilə Bakı Şəhəri üzrə Təhsil İdarəsi tərəfindən təşkil olunan “Yaradıcı müəllim” təqdimat müsabiqəsinin qalibi olub. Ziyafət Abbasov müsabiqəyə “Kimyəvi birləşmələrdə rabitə saylarının riyazi ifadəsi” mövzusu ilə qatılıb və I yerə layiq görülüb.