Azərbaycan Dövlət İnformasiya Agentliyi

ORDU

Vətən müharibəsindən sonra yaradılan Ordu birliyinin ildönümü qeyd edilib VİDEO

Bakı, 24 iyul, AZƏRTAC

Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyevin rəhbərliyi ilə xalqımızın və Silahlı Qüvvələrimizin möhtəşəm Qələbəsi ilə başa çatan İkinci Qarabağ müharibəsindən sonra da respublikamızın ərazi bütövlüyünün, təhlükəsizliyinin daha etibarlı müdafiəsi, qorunması, qalib Azərbaycan Ordusunun daha da qüdrətlənməsi istiqamətində mühüm tədbirlər həyata keçirilir.

Bütün sərhəd boyunca yerləşdirilən hərbi hissələrin maddi-texniki bazası möhkəmləndirilir, ən müasir hərbi texnika, silah və sursatlar alınır, yeni hərbi şəhərciklər inşa edilir, qarşıya qoyulan istənilən döyüş tapşırığını yerinə yetirməyə hazır və qadir əməliyyat komando hərbi hissələri fəaliyyətə başlayır, şəxsi heyətin mənəvi-psixoloji təminatının yüksəldilməsinə, Vətən müharibəsinin qəhrəmanlıq ənənələri ruhunda tərbiyə edilməsinə xüsusi önəm verilir.

İşğaldan azad edilən Kəlbəcər rayonuna səfəri çərçivəsində yeni yaradılan əməliyyat komando hərbi hissəsinə Döyüş Bayrağının təqdim olunması münasibətilə keçirilən təntənəli mərasimdə Müzəffər Ali Baş Komandan İlham Əliyevin dediyi kimi: “Azərbaycan Ordusu daha güclüdür: həm təchizat nöqteyi-nəzərdən, həm də döyüş qabiliyyəti nöqteyi-nəzərdən. Ona görə biz bundan sonra da Ordumuzun inkişafı üçün ciddi addımlar atacağıq... Əgər Ermənistan sərhədlərin müəyyən edilməsi işində yenə də öz köhnə taktikasına qapılsa, vaxt uzatmağa çalışsa, nəticədə özü peşman olacaq. Biz Ermənistanda baş qaldıran revanşist qüvvələrin hərəkətlərinə diqqətlə baxırıq. Onlar da bunu bilsinlər. Bax, o dağın başında mənim sözlərim yazılıb: “Dəmir yumruq yerindədir!” Bunu heç kim unutmasın”.

AZƏRTAC xəbər verir ki, Vətən müharibəsinin başa çatması ilə yaranmış şəraitə uyğun olaraq işğaldan azad edilmiş ərazilərdə müdafiə və mühafizənin təşkili, Azərbaycan Ordusunun qarşısında qoyulmuş döyüş tapşırıqlarının müvəffəqiyyətlə yerinə yetirməsini təmin etmək məqsədilə bir il əvvəl - 2021-ci il iyulun 24-də yaradılmış Ordu birliyinin ildönümünə həsr olunmuş təntənəli mərasimdə bu və ya digər aktual məsələlər barədə ətraflı söhbət açılıb.

Əvvəlcə Müdafiə Nazirliyinin və Ordu birliyinin rəsmiləri, Vətən müharibəsi iştirakçıları, şəhid ailələrinin üzvləri, xidmətlə fərqlənən hərbi qulluqçulardan bir qrupu qərargah binasının qarşısında xalqımızın ümummilli lideri Heydər Əliyevin xatirəsinə ucaldılan abidəni ziyarət edərək qarşısına qızılgül çələngi qoyub, güllər düzüb, ehtiramlarını bildiriblər.

Əsgər klubunda keçirilən təntənəli mərasimdə ulu öndər Heydər Əliyevin və respublikamızın suverenliyi, ərazi bütövlüyü uğrunda mübarizədə şəhidlik zirvəsinə ucalan Vətən övladlarının xatirəsi bir dəqiqəlik sükutla yad edilib, Azərbaycanın Dövlət Himni ifa olunub.

Müdafiə Nazirliyi Şəxsi Heyət Baş İdarəsinin Kadrlar İdarəsinin rəisi general-mayor Elçin Xəlilov şəxsi heyəti salamlayaraq deyib: “Bu gün Azərbaycan Ordusunun həyatında daha bir əlamətdar hadisənin şahidiyik. Bir il əvvəl müdafiə nazirinin müvafiq əmri ilə yaradılan Ordu birliyinin ildönümünü qeyd edirik. Ötən il ərzində Müzəffər Ali Baş Komandan İlham Əliyevin və Müdafiə Nazirliyinin rəhbərliyinin daimi diqqət və qayğısı ilə əhatə olunan bu Ordu birliyində həyata keçirilən məqsədyönlü tədbirlər, zabit və gizirlərin öz xidməti vəzifələrini böyük həvəslə yerinə yetirməsi, əsgərlərimizin içdikləri Hərbi Anda sadiqliyi, hərbi nizamnamələrin tələblərinə uyğun olaraq xidmətin düzgün təşkili deməyə imkan verir ki, bu Ordu birliyi də, heç şübhəsiz, yaxın gələcəkdə Azərbaycan Ordusunun lider hərbi hissələrindən birinə çevriləcək”.

General-mayor E.Xəlilov tədbirdə iştirak edən şəhid analarına müraciətlə bildirib ki, sizin kədəriniz hər birimizin kədəridir. Şəhidlərimizin müqəddəs ruhları qarşısında bir daha ehtiramla baş əyir, Vətənə belə igid oğullar bəxş etdiyinizə görə sizlərə minnətdarlığımızı bildirərək əllərinizdən öpürük. Təsəllimiz ondadır ki, şəhidlərimizin intiqamını döyüş meydanlarında vuruşaraq aldıq, unudulmaz şəhidlərimizin qanı yerdə qalmadı. Bu tədbirdə iştirak edən hər bir əsgər də, hər bir zabit də sizin övladlarınızdır. Qəhrəman oğullarımızın davamçıları olan bu gənclər Müzəffər Ali Baş Komandanın hər bir əmrinə hər an hazırdırlar. Lazım gələcəksə, onlar yenə də döyüş meydanlarına atılaraq şəhidlərimizin ruhlarını bir daha şad edəcəklər.

General-mayorun söylədiyi “Əziz qazilərimiz, siz canlı, şanlı, yaşayan əfsanələrsiniz. Vətən və qədirbilən xalqımız sizin xidmətlərinizi heç vaxt unutmayacaq. Siz həmişə sıralarımızdasınız. Dünən də bir yerdə idik, bu gün də bir yerdəyik, gələcəkdə də bir yerdə olacağıq. Həm dövlətimiz, həm də hər bir Azərbaycan vətəndaşı Sizinlə fəxr edir, mərdlik və şücaətinizdən qürur duyuruq” fikirləri tədbir iştirakçıları tərəfindən alqışlarla qarşılanıb.

Sonra general-mayor E.Xəlilov müdafiə naziri general-polkovnik Zakir Həsənovun şəxsi heyətə ünvanlanan təbrik məktubunu tədbir iştirakçılarının nəzərinə çatdırıb.

Təbrik məktubunda deyilir ki, xalqımızın ümummilli lideri Heydər Əliyevin memarı olduğu müasir mütəşəkkil Azərbaycan Ordusu Ulu Öndərin ənənələrini uğurla davam etdirən Prezident, Müzəffər Ali Baş Komandan İlham Əliyevin rəhbərliyi ilə daha da qüdrətlənərək qalib ordu səviyyəsinə yüksəlib. Respublikamızın müstəqilliyinin təminatçısı olan Ordumuz bu gün istənilən döyüş tapşırığını yerinə yetirməyə hazır və qadirdir.

Qeyd olunub ki, İkinci Qarabağ müharibəsindən sonra digər sahələrlə yanaşı, ordu quruculuğunda da mühüm islahatlar həyata keçirilir. Ordunun maddi-texniki bazası dinamik sürətlə inkişaf etdirilir, şəxsi heyətin döyüş və mənəvi-psixoloji hazırlığının daha da yüksəldilməsi üçün böyük səylər göstərilir. Yeni hərbi hissələr yaradılır, hərbi şəhərciklər inşa edilir, hərbi qulluqçuların sosial müdafiəsi, nümunəvi xidməti üçün hər cür şərait yaradılır.

Müharibədən sonra işğaldan azad edilən bölgələrdə dislokasiya olunan hərbi hissələr düşmən təxribatlarının qarşısını vaxtında və qətiyyətlə alaraq xidməti vəzifələrinin öhdəsindən layiqincə gəlirlər.

Bir il əvvəl yaradılmasına baxmayaraq, Ordu birliyinin komandanlığının fəaliyyəti, eləcə də əsgər və zabitlərimizin xidməti təqdirəlayiqdir. Əminliklə bildirilib ki, Azərbaycan əsgər və zabitləri bundan sonra da Heydər Əliyevin ideyalarına sadiq qalaraq müzəffər sərkərdəmizin rəhbərliyi altında Vətənə, xalqa, dövlətə sədaqətlə xidmət edəcəklər.

Məktubda, həmçinin qeyd edilib: “Sizin sıralarınızda böyük döyüş təcrübəsinə malik yüzlərlə müharibə iştirakçısı vardır. Onlar respublikamızın ərazi bütövlüyünün bərpası, tarixi torpaqlarımızın işğaldan azad edilməsi uğrunda hərbi əməliyyatlarda fəallıq göstəriblər.

İnanıram ki, siz göstərilən etimadı doğruldaraq bu qəhrəmanlıq və şücaət nümunələrindən bəhrələnəcək, şanlı döyüş tariximizə yeni parlaq səhifələr yazacaqsınız.

Hərbi hissənin yaradılmasının birinci ildönümü münasibətilə sizi təbrik edərək hər birinizə şəxsi həyatınızda və xidmətlərinizdə uğurlar arzulayıram!”.

Vətən Müharibəsi Qəhrəmanı, Ordu birliyinin komandiri general-mayor Kənan Seyidov hərbi hissənin birillik fəaliyyəti barədə məlumat verib. Diqqətə çatdırıb ki, yeni yaradılan birliyin tərkibinə daxil olan hərbi hissələrin çoxu Azərbaycanın ərazi bütövlüyünün bərpası və tarixi torpaqlarımızın işğaldan azad edilməsi uğrunda Vətən müharibəsində hərbi əməliyyatlarda iştirak edib. Şəhidlərimiz, qazilərimiz var. Beş nəfər hərbi qulluqçumuz “Vətən Müharibəsi Qəhrəmanı” adına layiq görülüb. Yüzlərlə döyüşçümüz orden və medallarla təltif olunub. İgidlərimizin qəhrəmanlıq ənənələri bu gün uğurla davam etdirilir.

Döyüş hazırlığı planına əsasən, NATO-nun əməliyyat imkanları konsepsiyası çərçivəsində təlimlər mütəşəkkil şəkildə keçirilib. Təlimlər zamanı motoatıcı bölmələrin təchizatı, avadanlığı, rabitə vasitələri ilə təminatı, eləcə də şəxsi heyətin ingilis dilini bilmə səviyyəsi, digər zəruri əməliyyat imkanlarının NATO standartları və tələbləri ilə icrası və döyüş atışlı məşğələlər yerinə yetirilib. Əməliyyat komando hərbi hissələrində aparılan praktiki məşqlərdə komandolar maneələri yüksək peşəkarlıqla dəf edərək kəşfiyyat cığırının açılması və şərti düşmənin məhv edilməsi tapşırıqlarını uğurla icra edib. Komandoların fərdi bacarıqlarının, o cümlədən atəş və taktiki hazırlığının daha da yüksəldilməsi məqsədilə keçirilən təlimlərdə qarşıya qoyulan tapşırıqlar müvəffəqiyyətlə nəticələnib.

Ordu birliyi və tabeçilikdə olan hərbi hissələrlə ərazidə komanda-qərargah təlimləri, tank, motoatıcı taborları və artilleriya divizionu ilə taktiki təlimlər yüksək səviyyədə təşkil olunub. Əlahiddə rabitə, maddi-texniki təminat taborları ilə taktiki xüsusi təlimlər öz bəhrəsini verib. Bütün bu təlimlərin keçirilməsində əsas məqsəd bölmələrin döyüş qabiliyyətinin artırılması, şəxsi heyətin praktiki vərdişlərinin inkişaf etdirilməsi ilə bərabər peşəkar fəaliyyətinin təkmilləşdirilməsidir və biz buna nail olmuşuq.

Vətən Müharibəsi Qəhrəmanı K.Seyidov şəxsi heyətin bilik və bacarıqlarının təkmilləşdirilməsi, şəxsi heyət arasında fərqlənən hərbi qulluqçuların mükafatlandırılması və həvəsləndirilməsi məqsədilə yarış və müsabiqələrin təşkili, şəxsi heyətə hərbi intizamın qaydalarının, onlarda milli ruh, ləyaqət, Vətənə sevgi hisslərinin, iradi keyfiyyətlərin aşılanması məqsədilə keçirilən tədbirlərdən, Azərbaycan Ordusu səviyyəsində irimiqyaslı təlimlərdə qazanılan uğurlardan da bəhs edib.

Hərbi qulluqçuların sosial-məişət və xidmət şəraitinin yaxşılaşdırılması, şəhid və qazi ailələrinin daim diqqətdə saxlanılması, şəhidlərin xatirəsinin həmişə əziz tutulması məsələlərinə də toxunan Ordu birliyi komandiri sonda Müzəffər Ali Baş Komandan İlham Əliyevi və Müdafiə Nazirliyinin rəhbərliyini əmin edib ki, göstərilən etimadı bundan sonra da Vətənə, xalqa, dövlətə sədaqətləri və nümunəvi xidmətləri ilə doğruldacaqlar.

Tədbir iştirakçıları Ordu birliyinin birillik fəaliyyətinə həsr olunan videoçarxı maraqla izləyiblər.

Xidmətdə fərqlənən bir qrup hərbi qulluqçunun təltif edilməsi haqqında Ordu birliyi komandirinin əmri oxunub və mükafatlar təqdim edilib.

Daha sonra şəhid anaları çıxış edərək qəhrəman övladları ilə fəxr etdiklərini, hər bir Vətən əsgərinin simasında onları gördüklərini bildiriblər. Qazilər isə döyüşdə sağlamlıqlarını itirsələr belə, bu gün də Müzəffər Ali Baş Komandan əmrlərinə hazır olduqlarını bəyan ediblər.

İkinci Qarabağ müharibəsində bir gözünü itirən Vətən Müharibəsi Qəhrəmanı əsgər Azər Abdullayev deyib: “Lazım gələrsə, ikinci gözümü də Vətən uğrunda qurban verməyə hazıram!”.

Əməkdar incəsənət xadimi, Prezidentin fərdi təqaüdçüsü polkovnik Abdulla Qurbaninin layihəsi əsasında təqdim olunan ədəbi-bədii proqram təntənəli mərasim iştirakçıları tərəfindən rəğbətlə qarşılanıb.

Respublikanın Xalq artistləri Samir Cəfərov, Gülyaz Məmmədova, Əməkdar artistlər Cahangir Qurbanov, Təyyar Bayramov, Nigar Şabanova, gənc istedadlar Vüqar Qarabağlı, Kənan Bayramov və Həzi Aslanov adına Ordu İdeoloji və Mədəniyyət Mərkəzinin xoreoqrafiya qrupunun Vətəni, Müzəffər Ali Baş Komandanı, ordu ilə xalqın birliyini, şəhidlərin ölməzliyini, Azərbaycan Ordusunun qüdrətini tərənnüm edən vətənpərvərlik mahnıları, şeirlər və rəqslər tədbir iştirakçılarını daha böyük uğurlara ruhlandırıb.

Sonra qazilər səhnəyə dəvət edilib və sözləri Abdulla Qurbaniyə, musiqisi isə Azad Zahidə aid olan “Qazilər haqqında ballada”nın ilk təqdimatı olub. Əməkdar artist Cahangir Qurbanov və əsgər xorunun ifa etdiyi qəhrəmanlıq balladasını mərasim iştirakçıları ayaq üstə alqışlayıblar.

Əsgər klubunda keçirilən təntənəli mərasimdən sonra sıra meydanında hərbçilərin nümunəvi çıxışları olub.

Əsgər yeməkxanasında bayram süfrəsi açılıb və Ordu birliyinin ildönümünə həsr olunan tədbir yubiley tortunun kəsilməsi ilə başa çatıb.

Vətən müharibəsindən sonra yaradılan Ordu birliyinin ildönümü qeyd edilib VİDEO

Xəbəri sosial şəbəkələrdə paylaşın

Bizi sosial şəbəkələrdə izləyin

Türkmənistan Elmlər Akademiyasının nümayəndə heyəti Əlyazmalar İnstitutunun qonağı olub

Azərbaycan Müdafiə Nazirliyinin rəhbər heyətinin Türkiyəyə işgüzar səfəri davam edir

Rövşən Nur - şimal ölkəsinin “günəşli” rəssamı

“Göyçə aşıq məktəbi – dünən və bu gün” adlı möhtəşəm konsert təşkil edilib

Tanınmış yapon aliminin rəhbərlik etdiyi mütəxəssislər Ağdamda göz müayinəsi keçiriblər

Azərbaycan, Rumıniya, Gürcüstan və Macarıstanın enerji şirkətləri birgə müəssisə yaradır

Domeniko Palmieri: Azərbaycan İtaliyanın enerji təhlükəsizliyinə fundamental töhfə verir

Aktau şəhərində Azərbaycanın Müstəqillik Günü ilə əlaqədar tədbir keçirilib

Azərbaycanın Müstəqillik Günü Küveytdə də qeyd olunub

Müstəqillik Günü münasibətilə Doha şəhərində rəsmi qəbul təşkil olunub

Serbiyada Azərbaycanın Müstəqillik Günü qeyd olunub

Lənkəran-Astara regionunda bir sıra təhsil müəssisələrinin rəhbərləri vəzifələrindən azad ediliblər

SOCAR ilə “AD Ports Group” arasında əməkdaşlığın genişləndirilməsi imkanları müzakirə edilib

Müəllimlərin vəzifə maaşlarına aylıq əlavələrdə texniki xarakterli məhdudiyyətlər aradan qaldırılıb

Estoniya Respublikasının Prezidenti Alar Karisdən

Qərbi Azərbaycan İcması: Avropa İttifaqı regionda müsbət dinamikanı pozmağa çalışır

Avstraliya İttifaqının General-Qubernatoru Devid Con Hörlidən

İraq Respublikasının Baş naziri Məhəmməd Şiya əs-Sudanidən

Böyük Qayıdışın Xocalı mərhələsi ŞƏRH

Bakıda keçiriləcək festivalda ilk milli kiberoyunlar nümayiş olunacaq

Ankarada milli rəqslərimizin təbliğinə dair yeni layihənin icrasına başlanılıb

Azərbaycan-Türkiyə birgə hərbi təlimlərinin intensivliyinin artırılması müzakirə olunub

Xocalının strateji mövqeyi onun iqtisadi potensialını daha da artırır ŞƏRH

COP29-a hazırlıq çərçivəsində BMT nümayəndəsi İnkişaf Proqramının Azərbaycana dəstəyini ifadə edib

Omanın Sultanı Heytəm bin Tariq Al Səiddən

İcma: Niderland parlamentinin nümayiş etdirdiyi mövqe mahiyyətcə böhtan xarakteri daşıyır

Bosniya və Herseqovinanın Rəyasət Heyətinin Sədri Denis Beçiroviçdən

Rusiya Federasiyasının Dağıstan Respublikasının rəhbəri Sergey Məlikovdan

Slovakiya Respublikasının Baş naziri Robert Fitsodan

İqtisadiyyat nazirinin birinci müavini Lerikdə vətəndaşların müraciətlərini dinləyib

“Qərbi Azərbaycan həqiqətləri” - elmi-praktik konfrans

Polşa Respublikasının Prezidenti Andjey Dudadan

Müstəqillik Günündə Xocalıya qayıdış xüsusi rəmzi məna daşıyır ŞƏRH

Slovakiya Respublikasının Prezidenti Zuzana Çaputovadan

Avro-Atlantik Azərbaycanlıları Tərəfdaşlıq Şurasının nümayəndə heyəti Türkiyədə səfərdə olub

Fransız Polineziyası: kiçik ada ölkəsinin Parisin müstəmləkəçilik siyasətinə qarşı müstəqillik mübarizəsi

AYİB yaşıl enerjiyə keçidlə bağlı Azərbaycana kredit ayırmağı planlaşdırır

“Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” və “Hədəfli maliyyə sanksiyaları haqqında” Azərbaycan Respublikası qanunlarının icrası ilə əlaqədar Azərbaycan Respublikası Nazirlər Kabinetinin bəzi qərarlarında dəyişiklik edilməsi və “Terrorçuluğun maliyyələşdirilməsinə qarşı mübarizə çərçivəsində barəsində sanksiya tətbiq edilməli olan şəxslərin Ümumi Siyahısının təsdiq olunması Qaydası”nın təsdiq edilməsi barədə” Azərbaycan Respublikası Nazirlər Kabinetinin 2010-cu il 25 iyun tarixli 124 nömrəli Qərarının ləğv edilməsi haqqında
Azərbaycan Respublikası Nazirlər Kabinetinin QƏRARI

“Dövlət və bələdiyyə tərəfindən yaradılan ali təhsil müəssisəsinin Nümunəvi Nizamnaməsi”nin təsdiq edilməsi və “Ali təhsil müəssisəsinin Nümunəvi Nizamnaməsi”nin və “Azərbaycan Respublikası Nazirlər Kabinetinin dəyişiklik edilmiş bəzi qərarlarının siyahısı”nın təsdiq edilməsi haqqında” Azərbaycan Respublikası Nazirlər Kabinetinin 2011-ci il 21 yanvar tarixli 9 nömrəli Qərarında dəyişiklik edilməsi barədə” Azərbaycan Respublikası Nazirlər Kabinetinin 2019-cu il 15 yanvar tarixli 7 nömrəli Qərarında dəyişiklik edilməsi haqqında
Azərbaycan Respublikası Nazirlər Kabinetinin QƏRARI

Azərbaycan Respublikası Nazirlər Kabinetinin 2022-ci il 20 avqust tarixli 321 nömrəli Qərarı ilə təsdiq edilmiş “Dövlət ümumi təhsil müəssisələrinin (ümumi təhsil üzrə təhsilverənlərə münasibətdə digər dövlət təhsil müəssisələrinin) təhsilverənlərinin (sertifikatlaşdırmanın nəticəsinə görə) vəzifə maaşlarına aylıq əlavələr”də dəyişiklik edilməsi haqqında
Azərbaycan Respublikası Nazirlər Kabinetinin QƏRARI

Azərbaycan Respublikası Nazirlər Kabinetinin 2020-ci il 30 aprel tarixli 155 nömrəli Qərarı ilə təsdiq edilmiş “Dövlət ümumi təhsil müəssisələrində (ümumi təhsil üzrə təhsilverənlərə münasibətdə digər dövlət təhsil müəssisələrində) işləyən təhsilverənlərin sertifikatlaşdırma Qaydası”nda dəyişiklik edilməsi haqqında
Azərbaycan Respublikası Nazirlər Kabinetinin QƏRARI

Azərbaycan Respublikası Nazirlər Kabinetinin “Tikinti obyektlərinin enerji təchizatı şəbəkəsinə qoşulmasına görə qoşulma haqqı məbləği”nin təsdiq edilməsi barədə” 2018-ci il 27 aprel tarixli 180 nömrəli və “Məişət abonentlərinin mövcud və ya inşa ediləcək tikinti obyektlərinin enerji təchizatı şəbəkəsinə qoşulmasına görə qoşulma haqqının məbləği”nin təsdiq edilməsi barədə” 2018-ci il 24 iyul tarixli 327 nömrəli qərarlarının ləğv edilməsi haqqında
Azərbaycan Respublikası Nazirlər Kabinetinin QƏRARI

Azərbaycan boksçusu Olimpiya lisenziyasının bir addımlığında

“Fitch Solutions”: Azərbaycanda iqtisadi artım gələn il 2,8 faiz təşkil edəcək

Birləşmiş Millətlər Təşkilatının Baş katibi Antonio Quterreşdən

Xorvatiyalı nazir müavini: Azərbaycan nəinki regionda, o cümlədən dünyada söz sahibinə çevrilib

Hesablama Palatasının əməkdaşları EUROSAI-ın onlayn keçirilən XII Konqresində iştirak ediblər

Markov: Qazaxın 4 kəndinin qaytarılması delimitasiya və demarkasiya prosesini sürətləndirəcək

Argentinada Azərbaycanın Cənubi Qafqazda sülhə və sabitliyə töhfə verən siyasətindən bəhs olunub

Karlo Ançelotti: Dünyanın ən yaxşı baş məşqçisi Qvardioladır

Milli Məclis sədrinin müavini vətəndaşların müraciətlərini dinləyib

Qazaxın dörd kəndinin Azərbaycana geri qaytarılması Prezident İlham Əliyevin xalqımıza növbəti qələbə hədiyyəsidir - ŞƏRH

Nikaraqua Respublikasının Prezidenti Daniel Orteqa Saavedradan və vitse-prezidenti Rosario Muriyodan

PISA 2025 tədqiqatının sınaq mərhələsi davam edir

Naxçıvanda doğum günü may ayında olan şəhidlərin xatirəsi anılıb

Rusiya Federasiyasının Sankt-Peterburq şəhərinin qubernatoru Aleksandr Beqlovdan

BANM-də “Mühəndislər üçün biznes təhsili” layihəsi başa çatıb

Hesablama Palatasının nümayəndə heyəti Türkiyə Hesablama Məhkəməsinin 162 illik yubiley tədbirində iştirak edib

Azərbaycanın Müstəqillik Günü Litvada da qeyd edilib

Türkiyə ilə Azərbaycan arasında hərbi-texniki sahədə əməkdaşlığın inkişafı müzakirə edilib

“AzerGold”un sədri 3-cü “Yüksəliş” müsabiqəsinin qalibi ilə növbəti görüşünü keçirib

Saatlıda növbəti Aqrar Biznes Festivalı keçirilib

Azərbaycan bankı ötən il ölkədə ilk dəfə əmtəə fyuçers müqaviləsi imzalayıb

“EducationUSA” sərgisi keçiriləcək

“Avro-2024”: Niderland millisinin yekun heyəti bəlli olub

Dini Qurumlarla İş üzrə Dövlət Komitəsinin nümayəndə heyəti TBMM-də olub

Çexiya Azərbaycanı enerji sahəsində çox mühüm və dəyərli tərəfdaş hesab edir

“İrəvan” klubu I Liqadan kənarlaşdırılıb

Brüsseldə “Orta Dəhliz Təşəbbüsü - Avropa və Asiyanın qovuşduğu yer” mövzusunda tədbir keçirilib

Türkiyə “Altay” tankının kütləvi istehsalına başlayır

AZƏRBAYCAN RESPUBLİKASI PREZİDENTİ ADMİNİSTRASİYASININ VƏTƏNDAŞ QƏBULU MƏRKƏZİNDƏ 2024-cü ilin iyun ayında vətəndaşların qəbulu CƏDVƏLİ

Müstəqilliyin yeni mərhələsi: strategiyada strateq məharəti

Azərbaycan Qlobal Texnologiya Forumunda təmsil olunub

Fövqəladə hallar könüllüləri təltif edilib

Anaklia limanının investorları Çin şirkətləri olacaq

“Səbail” klubu Şahin Diniyevlə müqaviləni yeniləyib

İngiltərədə gənc həkimlər növbəti tətilə hazırlaşırlar

Bakıda ilk dəfə padel tennisi üzrə beynəlxalq turnir keçirilir

Azərbaycanın Müstəqillik Günü Batumidə qeyd olunub

Süni intellekt ilə yeni dövrə qapı aç - seminar

Açıq Büdcə İndeksi üzrə Hesablama Palatasının fəaliyyəti çox yüksək qiymətləndirilib

“Milli standartlaşdırma proqramının formalaşdırılması və onda dəyişiklik edilməsi Qaydası”nın təsdiq edilməsi haqqında
Azərbaycan Respublikası Nazirlər Kabinetinin QƏRARI

Qulluqda olmanın son yaş həddinə çatmış prokurorluq işçiləri təltif edilib

“Standartlaşdırma sahəsində normativ sənədlərin hazırlanması, razılaşdırılması, ekspertizası, qəbul edilməsi, dövlət reyestrinə və fonduna daxil edilməsi, dəyişiklik edilməsi və nəşri Qaydaları”nın təsdiq edilməsi haqqında
Azərbaycan Respublikası Nazirlər Kabinetinin QƏRARI

® “Nar”ın dəstəyi ilə hazırlanan “jestdili.az” saytının istifadəçilərinin sayı ikiqat artıb

Qarabağ Universitetinə fakültə dekanları seçilib

Politoloq: Avropa İttifaqı və İtaliya ilə Azərbaycanı bir çox layihələr birləşdirir

İngiltərə klubu 5 oyunçu ilə yollarını ayırıb

Elm və təhsil naziri Naxçıvanda vətəndaşlarla görüşəcək

Mərakeşli nazir: Azərbaycanla əlaqələrin inkişafında geniş potensial var

AYNA paytaxtda hərəkətin yenidən təşkili ilə bağlı növbəti layihənin icrasına başlayıb

8 aya yaradılan möcüzə - Böyük Qayıdışın Xocalı səhifəsi REPORTAJ

“Evdə tək” filmindəki ev satışa çıxarılıb

İyunun 3-dən BDU-da yaz imtahan sessiyası başlanacaq

Etibar Əsədlinin caz triosunun Brüsselin tanınmış “The Music Village” caz klubunda konserti olub

“Hitachi” və “Google Cloud” süni intellekt sahəsində əməkdaşlıq edəcəklər

Azərbaycanın dəstəyi ilə Bişkek şəhərindəki Heydər Əliyev adına məktəb-gimnaziyada STEAM Mərkəzi açılıb

“Yaşıl dünya naminə həmrəylik ili” çərçivəsində jurnalistlər arasında müsabiqə elan edilib

“Araz-Naxçıvan” “Neftçi”nin yetirməsi ilə müqavilə imzalayıb

Azərbaycan Respublikası Müdafiə Nazirliyinin rəhbərliyi Türkiyəyə işgüzar səfər edib