İsmayıllı, 25 iyul, R.Türkoğlu, AZƏRTAC

İsmayıllıda günorta saatlarında şəhər mərkəzindəki evlərdən birində yanğın hadisəsi qeydə alınıb.

AZƏRTAC-ın bölgə müxbiri xəbər verir ki, ilkin məlumata görə mağazaların birində baş verən yanğın yaxınlıqda olan evlərə keçib. Qısa müddətdə şiddətlənən alov iki fərdi evi və marketləri əhatə edib.

Yanğının söndürülməsi üçün əraziyə Fövqəladə Hallar Nazirliyinin canlı qüvvəsi və texnikası cəlb olunub. Alovun digər ərazilərə keçməsinin qarşısını alınıb, ətrafda olan evlər və bazar yanğından mühafizə edilib.

Faktla bağlı araşdırma aparılır. Yanğının hansı səbəbdən baş verməsi aparılan araşdırmaların sonunda bəlli olacaq.