ABŞ-ın başqa ölkələrdə “demokratiya” arzusu yalnız hökmranlıq etmək və sərvətləri talamaqdan ibarətdir VİDEO
Bakı, 16 sentyabr, AZƏRTAC
ABŞ bütün dövrlərdə dünyaya hökmranlıq etmək və baş verən bütün prosesləri nəzarət altında saxlamaq arzusunda olub və bu istiqamətdə addımlar atıb. Bizə qonşu olan ölkələrin bəzilərində bu proses artıq başlayıb və məhz elə Azərbaycanda da buna cəhdlər göstərib. Təbii ki, Azərbaycanda möhkəm xalq-iqtidar birliyi olduğu üçün bu proses baş tutmadı. Xalqın inanıb seçdiyi Lideri nə ABŞ, nə də digər bir güc dəyişə bilməz.
Bu sözləri AZƏRTAC-a açıqlamasında politoloq Ramiz Alıyev bildirib.
Politoloq qeyd edib ki, ABŞ-ın müxtəlif ölkələrdə inqilabların, “antiterror” adı altında həyata keçirdiyi proseslərin tək məqsədi var - zəngin təbii ehtiyatları olan ölkələrin sərvətlərini xalqın əlindən alaraq öz nəzarətinə keçirmək. Biz bunun İraqda, Liviyada nümunəsini gördük. Vaxtilə bu ölkələr çox zəngin olsalar da, indi kasıb, qeyri-sabit dövlətlər siyahısına düşüblər. Çünki onların bütün sərvətləri ABŞ-a aid olan şirkətlərin əlindədir, mənimsənilib. ABŞ bu prosesləri həyata keçirən zaman müxtəlif fondlardan, təşkilatlardan, institutlardan istifadə edir. “Soros” Fondu da bu cür vasitələrdən biridir. Bu fond Cənubi Qafqazda, Asiyada və digər bölgələrdə belə inqilablara təkan verəcək siyasət həyata keçirir. Bizdə də təbii ki, bu cür cəhdlərə yol verdilər və hələ də davam edirlər. Təbii ki, bu cür proseslərin baş tutması ideologiyası zəif olan ölkələrdə mümkündür. Azərbaycan kimi güclü, sabit ölkələrdə isə belə cəhdlər yalnız uğursuzluğa məhkumdur.
“Qardaş Türkiyədə də “Soros” tərəfindən bu proseslərə bir neçə dəfə cəhd göstərildi, lakin türk xalqının müdrikliyi sayəsində hədəfə nail olunmadı. Vaxtilə çiçəklənən və firavan yaşayan Ukrayna xalqı artıq sabitlik içində deyil, acınacaqlı və gözüyaşlı vəziyyətdə yaşayır. Bu müharibənin başlanmasının baiskarı da elə məhz ABŞ idi. Ukraynaya NATO-ya üzv olmaq vədi verərək dövləti və xalqı aldatdı. Müharibə başladıqdan sonra NATO bəyanat verdi ki, Ukrayna bu təşkilata üzv ola bilməz, çünki ölkədə müharibə gedir və münaqişə zonasıdır. Bunun acı nəticəsidir ki, bu gün Ukrayna nə NATO-ya üzv ola, nə də müharibəni dayandıra bilir”, - deyə politoloq əlavə edib.
Bölmənin digər xəbərləri
