DÜNYA


Türkiyədə baş verən qatar qəzasının səbəbi açıqlanıb YENİLƏNİB

Bakı, 8 iyul, AZƏRTAC

Türkiyənin Nəqliyyat, Dənizçilik və Kommunikasiya Nazirliyi Tekirdağ əyalətində baş verən qatar qəzasının səbəbini açıqlayıb.

Anadolu informasiya agentliyinin məlumatında görə, nazirlik qəzanın həddindən artıq yağışın yağması səbəbindən barmaqlıqlarla rels arasındakı torpağın boşalması nəticəsində baş verdiyini bildirib.

Nazirlikdən verilən yazılı açıqlamada Uzunköprü-Halkalı marşrutu ilə hərəkət edən 6 vaqon, 362 sərnişin və 6 heyətlə yola çıxan 12703 saylı qatar Balabanlı-Çorlu arasında 162-ci kilometrdə yerli vaxtla saat 17.00-da sırada olan 5 vaqonun relsdən çıxaraq aşması nəticəsində qəzaya uğrayıb.

X X X

22:11

Türkiyənin Tekirdağ əyalətinin Sarılar kəndi yaxınlığında sərnişin qatarı vaqonlardan bir qisminin relsdən çıxması nəticəsində devrilib.

Ölkənin Səhiyyə Nazirliyi bildirir ki, ilkin hesablamalara görə, 10 nəfər həyatını itirib, 73 nəfər yaralanıb.

X X X

20:50

Türkiyədə Uzunköprü-İstanbul marşrutu ilə hərəkət edən sərnişin qatarında qəza olub.

AZƏRTAC Anadolu agentliyinə istinadla xəbər verir ki, qəza bir neçə vaqonun relsdən çıxması nəticəsində baş verib. Qaza baş verən ərazinin palçıqlı olması xilasedicilərin işini çətinləşdirib.

Bölgəyə çox sayda təcili tibbi yardım maşını cəlb edilib. Şahidlərin sözünə görə, çox sayda yaralı və ölənlər var.

Məlumata görə ölkə rəhbərliyi də qəza barədə məlumatlandırılıb.

Bildirilir ki, ərazi palçıq olduğundan əraziyə nəqliyyat vasitələrinin yaxınlaşması çətinləşib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.