Xalça Muzeyində “Ənənə və novatorluq” mövzusunda diskussiya olacaq
Bakı, 30 sentyabr, AZƏRTAC
Oktyabrın 1-də saat 18:00-da Azərbaycan Milli Xalça Muzeyində yeni açılmış “Xalça sənəti - mənaların təkamülü” sərgisi çərçivəsində “Ənənə və novatorluq” mövzusunda qədim və avanqard xalça materialları üzrə diskussiyaya təşkil olunacaq.
Xalça Muzeyindən AZƏRTAC-a bildirilib ki, diskussiyanın moderatoru sənətşünaslıq üzrə fəlsəfə doktoru Elçin Şamilli, iştirakçılar isə muzeyin direktoru, həm də sərginin kuratoru sənətşünaslıq üzrə fəlsəfə doktoru , dosent Şirin Məlikova və sərgidə nümayiş olunan müasir xalçaların müəllifi Çingiz olacaq.
Karantin qaydalarına əsasən, mühazirədə 10 nəfər iştirak edə bilər. Bunu nəzərə alaraq, https://forms.gle/32gzucXExD3mEohA9 linkindən qeydiyyatdan keçmək olar.
Bölmənin digər xəbərləri
