® “Expressbank” Aqrar Biznes Festivalında iştirak edib
“Expressbank” Kənd Təsərrüfatı Nazirliyinin Aqrar İnnovasiya Mərkəzinin təşkilatçılığı ilə Ağdaş şəhərində keçirilən Aqrar Biznes Festivalının rəsmi tərəfdaşı olub.
Aqrar sektorun maliyyə imkanlarını artırmaq, fermer və sahibkarları mövcud yeni dəstək mexanizmləri barədə maarifləndirmək məqsədilə həyata keçirilən festival çərçivəsində “Dövlətin maliyyə mexanizmləri” mövzusunda panel müzakirə baş tutub. Paneldə “Expressbank”ın nümayəndəsi İnayət Qarayev fəal iştirak edərək festival iştirakçılarının suallarını ətraflı cavablandırıb.
Bununla yanaşı, Bank nümayəndələri aqrar sektorda fəaliyyət göstərən sahibkar və fermerlərlə birbaşa ünsiyyət quraraq, bankın təqdim etdiyi maliyyə alətləri, kredit imkanları və kənd təsərrüfatına dair xüsusi məhsullar barədə ətraflı məlumat veriblər.
Qeyd edək ki, “Expressbank” bu cür panel sessiyalarının ölkənin müxtəlif iqtisadi bölgələrində davamlı olaraq təşkilini daim dəstəkləyir.
Bankın kənd təsərrüfatı subyektlərinin inkişafına dəstək üçün nəzərdə tutulan məhsulları ilə daha ətraflı buradan tanış ola bilərsiniz.
Bölmənin digər xəbərləri
