"Azərfon" abunəçilərinə maarifləndirmə xarakterli SMS-bildiriş göndərilir
Bakı, 25 iyun, AZƏRTAC
26 İyun – Narkotik vasitələrin sui-istifadəsi və qanunsuz dövriyyəsi ilə Beynəlxalq Mübarizə Günü münasibətilə təşkil edilən silsilə tədbirlər çərçivəsində Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupu aidiyyəti qurumla birgə bu gündən "Azərfon" (Nar) abunəçilərinə narkotiklərin fəsadları barədə SMS-bildirişlərin göndərilməsinə başlayıb.
Dövlət Komissiyasından AZƏRTAC-a bildiriblər ki, iyunun 25-də, 26-da və 27-də göndərilməsi nəzərdə tutulan SMS-lərdə abunəçilərə belə çağırış edilir: “DK İşçi Qrupu: Narkotiklərin fəsadları barədə məlumatlı olaq və birlikdə mübarizə aparaq! www.nmdk.gov.az, Qaynar xətt: 802”
Maarifləndirici mesajların mərhələli şəkildə ümumilikdə 2 milyon 100 minə yaxın abunəçiyə göndərilməsi planlaşdırılır.
Bölmənin digər xəbərləri
