ADAM ALVERİNƏ GÖRƏ BEŞ İL HƏBS CƏZASI

08.06.2004 [16:51]
Çap et
A⁺ A^-

AZƏRTAC “Novosti” agentliyinə istinadla xəbər verir ki, Qırğızıstanın Batken vilayətinin rayon məhkəməsi adamları aldadaraq, guya xaricdə işə düzəltmək adı altında fırıldaqla məşğul olan bir qadını beş il müddətinə azadlıqdan məhrum etmişdir.

Batken vilayətindəki Qızıl-Qıy şəhərinin sakini Qırğızıstanın 4 vətəndaşını guya işləmək üçün qanunsuz olaraq və sənədlərsiz Qazaxıstanın Almatı vilayətindəki Çilin rayonuna yola salmışdır. O, həmin adamlardan təxminən 200 dollar almışdır.

Qırğızıstanın ictimai hüquq müdafiə təşkilatlarının məlumatına görə, təkcə qonşu Çində respublikanın 200-dək vətəndaşı, demək olar, zorla saxlanılır, onlara ancaq yemək verilir.

Həmçinin bildirilir ki, Qırğızıstanın 5 milyonluq əhalisinin təqribən 600 min nəfəri əmək miqrantı kimi xarici ölkələrdə qəsbkarlıq edir.