ADNSU-da “Yüksəliş” müsabiqəsinin qalibləri ilə görüş olub
Bakı, 30 oktyabr, AZƏRTAC
Azərbaycan Dövlət Neft və Sənaye Universitetində (ADNSU) tələbələr üçün mentorluq proqramı çərçivəsində "Yüksəliş" müsabiqəsinin qalibləri ilə görüş keçirilib.
ADNSU-dan AZƏRTAC-a bildirilib ki, görüşdə "Yüksəliş" müsabiqəsinin qalibləri - Emil Bəşirov, Xanım Daşdəmirova, Faiq Hüseynov, Elmir Hüseynov özləri haqqında məlumat verib, şəxsi təcrübələrini bölüşüb, uğurlu karyera qurmağın yollarından danışıblar. Mentorlar, həmçinin karyerada inkişafla bağlı gənclərə tövsiyələr verib, şəxsi inkişafın və öz üzərində işləməyin vacibliyindən danışıblar.
Görüşdə mentorluq proqramına qəbul qaydaları, həmçinin seçim prosesi haqqında məlumat verilib, tələbələrin sualları cavablandırılıb.
Bölmənin digər xəbərləri
