ADSEA Şəmkirdəki boru kəmərində baş verən qəza ilə bağlı açıqlama yayıb
Bakı, 29 avqust, AZƏRTAC
Şəmkir Maşın-Kanal 2-ci pillə nasos stansiyasının 2-ci kilometrində hidro təzyiq nəticəsində metalın aşınması boruda qəzaya səbəb olub.
Azərbaycan Dövlət Su Ehtiyatları Agentliyindən (ADSEA) AZƏRTAC-a bildirilib ki, qəzanın baş verdiyi andan etibarən Şəmkir Maşın-Kanalının İstismarı İdarəsi tərəfindən dərhal tədbirlər görülüb və qəza aradan qaldırılıb.
“Hazırda borunun təmiri və bərpası istiqamətində işlər davam etdirilir. Boru vasitəsilə ötürülən su suvarma məqsədilə istifadə olunur və qəza nəticəsində nə əkin sahələrinə, nə də mülki şəxslərə hər hansı zərər dəyməyib. Ətrafa axan su nasos stansiyanın suqəbuledici qurğusuna istiqamətlənib”, - deyə qurumun yaydığı açıqlamada bildirilir.
Bölmənin digər xəbərləri
