Ağdamda indiyədək 24 min 619 ton taxıl tədarük edilib
Ağdam, 24 iyun, AZƏRTAC
Ağdam rayonunda taxıl biçini davam edir. Biçinin vaxtında və itkisiz başa çatdırılması üçün bütün qüvvələr səfərbər edilib. Zəmilərdə hər gün orta hesabla 20 ədəd kombayn biçin aparır.
Ağdam Rayon Statistika İdarəsindən AZƏRTAC-ın bölgə müxbirinə bildirilib ki, bu ilin məhsulu üçün rayonda 13 min 735 hektarda taxıl yetişdirilib. Ağdam taxılçıları indiyədək 6366 hektar sahədə biçin aparıb, 24 min 619 ton məhsul, o cümlədən 17 min 110 ton buğda, 7509 ton arpa götürüblər. Biçilmiş sahələrin 4320 hektarı buğda, 2046 hektarı arpadır. Hər hektarın orta məhsuldarlığı 38,7 sentnerdir.
Bölmənin digər xəbərləri
