AĞIR ATLETİKA FEDERASİYASININ KUBOKU UĞRUNDA YARIŞLAR KEÇİRİLİR
Beynəlxalq dərəcəli hakim Vahid Nəzərovun rəhbərlik etdiyi hakimlər briqadasının idarə etdiyi yarışlarda Bakı, Sumqayıt, Gəncə, Goranboy, Cəlilabad, Qazax, Qobustan, Neftçala və İsmayıllı rayonlarından 100-dən artıq atlet 24 çəki dərəcəsi üzrə mübarizə aparır. Yarışlar oktyabrın 8-də başa çatacaqdır.
Xatırladaq ki, turnirin keçirilməsindən əsas məqsəd ən güclü idmançıları aşkarlayaraq milli yığma komandanın heyətinə cəlb etmək və beynəlxalq yarışlara hazırlaşdırmaqdır. Federasiya kubokuna sahib olan atletlər noyabrın 9-16-da Qətərin Doha şəhərində keçiriləcək dünya çempionatında ölkəmizi təmsil edəcəklər.
Dekabr ayında isə gənclər arasında ölkə birinciliyi, eləcə də SSRİ-nin əməkdar məşqçisi və idman ustası, dünya rekordçusu mərhum Əhməd Məmmədovun xatirəsinə həsr olunmuş VI ənənəvi respublika turniri keçiriləcəkdir.
Bölmənin digər xəbərləri
