Ağstafa rayonunda ənənəvi şənbə iməciliyi
Ağstafa, 5 iyul (AZƏRTAC). Hər həftənin şənbə günləri olduğu kimi, iyulun 5-də də Ağstafa rayonunda təmizlik və səliqə-sahman işləri görülmüşdür.
AZƏRTAC xəbər verir ki, iməcilikdə rayonun idarə, müəssisə və təşkilatlarının kollektivləri iştirak etmişlər.
Ağstafa şəhərinin prospekt və küçələrində yaşıllıq sahələrinə xüsusi qulluq göstərilmiş, yol kənarları alaq otlarından təmizlənmişdir.
Bundan əlavə, Bakı-Qazax avtomobil yolu və dəmir yolu xəttinin rayon ərazisindən keçən hissələri boyunca səliqə-sahman işləri həyata keçirilmişdir.
İməcilik zamanı qəsəbə və kəndlərdə yollar və suvarma arxları məişət tullantılarından təmizlənmişdir.
Bölmənin digər xəbərləri
