Aleksandar Boriçiç: Azərbaycan millisinin növbəti qarşılaşmalarda daha yaxşı oyun göstərəcəyinə inanıram
Bakı, 22 avqust, AZƏRTAC
İlk olaraq Azərbaycana təşəkkür etmək istəyirəm ki, Avropa çempionatına gözəl komanda çıxarıb.
AZƏRTAC xəbər verir ki, bu sözləri Avropa Voleybol Konfederasiyasının prezidenti Aleksandar Boriçiç Azərbaycan Voleybol Federasiyasının mətbuat xidmətinə açıqlamasında deyib.
Funksioner yığmamızın növbəti qarşılaşmalarda daha yaxşı oyun göstərəcəyinə inandığını bildirib: "Azərbaycan millisinə qarşıdakı oyunlarda uğurlar arzulayıram".
Qeyd edək ki, Azərbaycan millisi C qrupundakı növbəti oyununu bu gün Yunanıstana qarşı keçirəcək. Görüş Bakı vaxtı ilə saat 19:00-da başlayacaq.
Bölmənin digər xəbərləri
