ALMAN POLİSİ FUTBOL XULİQANLARININ PORTUQALİYAYA YOLUNU KƏSDİ

10.06.2004 [13:03]
Çap et
A⁺ A^-

AZƏRTAC xəbər verir ki, Assoşieyted Press Agentliyinin yaydığı məlumata görə, alman polisi ölkədə ad çıxarmış bəzi futbol xuliqanlarının şənbə günü başlayacaq Avropa futbol çempionatına getmək cəhdinin qarşısını almışdır. Almaniyanın güc qurumları 1998-ci il dünya çempionatında və 2000-ci il Avropa çempionatında baş vermiş qanqaraldıcı hadisələrin təkrar olunmaması üçün hər şey edir. Həmin çempionatlarda başabəla alman azarkeşləri bir neçə iri toqquşmada “hünər göstərmişdilər”.

Alman polisi futbol xuliqanlarının Avro-2004-ə yolunu kəsmək üçün hətta xüsusi bölmə yaratmışdır. O, ən davakar azarkeşlərin harada olduqlarına daim göz qoyur. Ən təhlükəli futbol divanələri isə yaşayış yerindəki polis məntəqələrində daim qeydiyyatdan keçməlidirlər.

Xatırladaq ki, Fransada 1998-ci il dünya çempionatı zamanı almaniyalı futbol xuliqanları Lans şəhərində polis nəfərini döymüş, nəticədə o, altı həftə koma vəziyyətində olmuşdu. Belçika və Niderlandda keçirilmiş 2000-ci il dünya çempionatı zamanı almanlar Şarlerua şəhərində ingilislərlə əsl savaşa çıxmışdılar.

ALMAN POLİSİ FUTBOL XULİQANLARININ PORTUQALİYAYA YOLUNU KƏSDİ

MÜƏLLİFLƏ ƏLAQƏ

Bölmənin digər xəbərləri