ALMANİYA AZƏRBAYCANLA ƏLAQƏLƏRİN İNKİŞAFINDA MARAQLIDIR

12.10.2006 [19:15]
Çap et
A⁺ A^-

AZƏRTAC xəbər verir ki, Milli Məclisin beynəlxalq münasibətlər və parlamentlərarası əlaqələr daimi komissiyasının sədri Səməd Seyidov oktyabrın 12-də ölkəmizdə səfərdə olan Almaniyanın Avropa Şurası Parlament Assambleyasındakı nümayəndəsi Raynder Ştenblokla görüşmüşdür. S.Seyidov qonaqları salamladıqdan sonra parlamentlərarası əlaqələrin inkişafından danışmış, deputatlarımızın beynəlxalq təşkilatlarda, eləcə də AŞPA-da bəzi məsələlərin müzakirəsində eyni mövqedən çıxış etdiklərini diqqətə çatdırmışdır. O demişdir ki, Azərbaycanın Avropa Şurası ilə də əlaqələri genişlənir. Bu ilin noyabr və dekabr aylarında Bakıda AŞPA-nın iki tədbiri keçiriləcəkdir.

Sonra S.Seyidov regionda həyata keçirilən irimiqyaslı layhələrdən, Bakı-Tbilisi-Ceyhan neft kəmərinin əhəmiyyətindən, Qazaxıstanın bu kəmərə qoşulmaq istəyindən və layihənin Avropanın enerji təhlükəsizliyində oynadığı yüksək roldan bəhs etmişdir.

Raynder Ştenblok demişdir ki, Azərbaycana səfərdən məqsəd parlamentlərarası əlaqələrin inkişafına dair fikir mübadiləsi aparmaqdır. Almaniya hökuməti Azərbaycana böyük önəm verir və biz münasibətlərimizin daha da genişlənməsində maraqlıyıq. İstərdik ki, Milli Məclisin deputatları da tezliklə Almaniyaya səfər etsinlər və səfərlərimiz intensiv xarakter alsın.

Sonra görüşdə Almaniyanın 2007-ci ildə Avropa İttifaqına sədrliyi, Türkiyənin bu quruma üzvlüyünün əhəmiyyəti və qarşılıqlı maraq doğuran digər məsələlər ətrafında geniş fikir mübadiləsi aparılmışdır.

ALMANİYA AZƏRBAYCANLA ƏLAQƏLƏRİN İNKİŞAFINDA MARAQLIDIR

MÜƏLLİFLƏ ƏLAQƏ

Bölmənin digər xəbərləri