ALMANİYA HÖKUMƏTİ ÖLKƏDƏ MƏSKUNLAŞAN ƏCNƏBİLƏRİN IŞLƏ TƏMİN OLUNMASI BARƏDƏ QƏRAR QƏBUL ETMİŞDİR
AZƏRTAC-ın xüsusi müxbiri xəbər verir ki, Almaniya hökuməti vətəndaşlıq verilmiş əcnəbilərin, xüsusilə gənclərin gələcəkdə iş yerləri ilə təmin olunması barədə qərar qəbul etmişdir. Qərara görə, Almaniyaya qanuni yollarla gəlmiş, azı dörd il bu ölkədə yaşayan əmək qabiliyyətli hər bir əcnəbi vətəndaş peşəsinə uyğun işlə təmin olunacaqdır. Bu, indiyədək yalnız sosial yardım hesabına yaşayan əcnəbilərin güzəranını yaxşılaşdırmaqla, onların ölkənin ictimai həyatına inteqrasiyasını xeyli asanlaşdıracaqdır.
Qərar 2005-ci ilin əvvəlindən qüvvəyə minəcəkdir.
Yusif Xəlilov
AZƏRTAC-ın xüsusi müxbiri
Berlin
Bölmənin digər xəbərləri
